ПРИ БЕСНОВАНИИ

Святителю ТИХОНУ, епископу Воронежскому,
Задонскому чудотворцу (13 Ав.)

Тропарь, глас 8-й

От юности возлюбил еси Христа, блаженне, образ всем был еси словом, житием, любовию, духом, верою, чистотою и смирением: тем же и вселился еси в небесные обители, идеже предстоя престолу Пресвятыя Троицы, моли, святителю Тихоне, спастися душам нашим.

Тропарь, глас 4-й

Православия наставниче, благочестия учителю, покаяния проповедниче, Златоустаго ревнителю, пастырю преподобный, новый России светильниче и чудотворче, паству твою добре упасл еси, и писаньми твоими вся ны наставил еси: тем же венцем нетления украшен от Пастыреначальника, моли Его спастися душам нашим.

 
Твоя Йога
на первую страницу