ПРИ  ЗУБНОЙ  БОЛИ

Пресвятой Владычице нашей Богородице
И Приснодеве Марии ради честныя Ея иконы
«ВЗЫСКАНИЕ ПОГИБШИХ» (5 Ф.)

Молитва

Радуйся, Благодатная Богородице Дево, во объятиях Своих Предвечнаго Младенца и Бога носившая, проси Его дати миру умирение и душам нашим спасение. Сын ибо Тебе, Богомати, вещает, яко вся прошения твоя во благое исполнит. Сего ради и мы, припадающе, молимся и надеющиися на Тя да не погибнем, имя Твое именуем. Ты ибо еси, Владычице, Взыскание погибших.


Священномученику АНТИПЕ, епископу
Пергама Асийского (11 Ап.)

Молитва

О преславный священномучениче Антипо и скорый помощииче христианом в болезнех! Верую от всея души и помышления, яко дадеся тебе от Господа дар болящия исцеляти, недугующия врачевати и расслабленныя укрепляти. Сего ради к тебе, яко благодатному врачу болезней, аз, немощный, прибегаю и, твой досточтимый образ с благоговением лобызая, молюся: твоим предстательетвом у Царя Небеснаго испроси мне, болящему, исцеление от удручающия мя зубныя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да, тако тихое и безмолвное житие пожив во всяком благочестии и чистоте, сподоблюся со всеми святыми славити Всесвятое Имя Отца и Сына и Святаго Духа. Аминь.


Святителю ИОНЕ, митрополиту Московскому
и Всея России чудотворцу (15 Ин.)

Молитва общая святителям Петру, Алексию,
Ионе и Филиппу - день памяти 1-го января

Тропарь, глас 4-й

Первопрестольницы Российстии, истиннии хранителие апостольских преданий, столпи непоколебимии, православия наставницы, Петре, Алексие, Ионо и Филиппе, Владыку всех молите мир вселенней даровати и душам нашим велию милость.

 
Твоя Йога
на первую страницу