При проказе

Мученице АГРИППИНЕ (23 Ин.)

Светлых подвиг твоих светоносный наста день, воньже почитающи сих, Божественная Церковь вся созывает весело вопити тебе: радуйся, дево и мученице, Агриппино всечестная.

Преподобному АНТОНИЮ Великому (17 Я.)

Ревнителя Илию нравы подражая, Крестителю правыми стезями последуя, отче Антоние, пустыни бых еси житель и вселенную утвердил еси молитвами твоими. Темже моли Христа Бога спастися душам нашим.

Житейския молвы отринув, безмолвно житие скончал еси, Крестителя подражая всяким образом, преподобнейший, с ним убо тя почитаем, отцев начальниче, Антоние.

Преподобному АЛИПИЮ Печерскому,
в Ближних пещерах

Зраки изобразуя святых на дщицах, сих благодеяния спешно, яко искусен художник, всехвальне Алипие, написовал еси на скрижалех твоего сердца и сего ради, аки образ, благолепне украшен, священства благодатию, аки златом, обложился еси от Христа Бога и Спаса душ наших.